2 Haziran 2015 Salı

Yunus Qandım: elyazma defterinden (IX)

Şimdi her bir qırımtatar özüne özü meclis, özüne özü deputat, özüne özü qırımtatar. Yahşımı, yamanmı onuñ öz ideologiyası, öz siyaseti, öz tili, tek özüne has vatan duyğusı bar.
Er bir qırımtatarı öz vatanını seve. Biri canından ziyade, biri canı kibi, biri yalıñız seve. her alda her bir qırımtatarı ayrı-ayrı alğanda vatannı seve. Biri vatan içün özüni yaqa, biri vatan içün qurşunlar astına kire, biri vatan içün şam kibi yana, biri vatan içün zenginlikler içinde boñala, biri vatan içün vatandaşını taptay. Hepsi ayrı-ayrı alğanda vatan içün, vatan adınen hareket ete. Biri biler-bilmez, biri bile turıp, biri aslı añlamayıp…

Milliy ğaye, milliy ideologiya, milliy siyaset eñ aliy alimler olmağan soñ, olğan taqdirde bile olarnı qaytuv, yerleşüv kibi turmuş problemalarına çevirip taşlanılğan soñ, ögüz tübünde buzav qıdıramız, "biz halqımız" dep qıçıramız. Asılında ise, her bir qırımtatar özüniñ ulu bir milletke mensüp olğanını unuta, Vatan başta bir onuñ özünden başlanğanını unuta, güya şam yolu tüm-tüz. Çünki o özüne özü meclis, özüne özü deputat, özüne özü yağmur tamçısı, birleşmege birleştirilmegen ğarip tamçılar.

 19.02.98.
Действия:

0 коммент.:

Yorum Gönder