2 Haziran 2015 Salı

Yunus Qandım: elyazma defterinden (VI)

Qırımda ocalıq yapqan türk ocaları çalışmalarımda qullanmaq içün maña bir luğat berdiler. Ferid Devellioğlunıñ "Osmanlıca-türkçe entsiklopedik luğatı" çoq büyük ve ulu kitap. Oña pek quvandım ve kederlengenimden kül olıp sepilip ketmege azırdım. Kederlengenimniñ sebebi şundaki bizler böyle bir luğat çıqarmağa nail olurmızmı?.. Yonğanıñ ağlağanını kim kördi? Men kördim, çünki şu yonğa menim… Milletim, özüñni topla, esiñni topla, sesiñni topla, tiliñni, sözleriñni topla, yonğalarıñnı topla, köz nurlarıñnı topla, tüşleriñni, çatlağan izleriñni topla. Millet ol, milletim! Doğmuş kitaplarına saip olğan millet ebediydir. Soqur ebediylikke ıntılma.
 05.01.98.
Действия:

0 коммент.:

Yorum Gönder