2 Haziran 2015 Salı

Yunus Qandım: elyazma defterinden (X)

Kökteki yıldızlar qar daneleri kibi qaltıraylar, Demir qazıq dersiñ qar boranı, dersiñ yıldızlar boranı. Yıldızlar iriyler, buvğa döneler, nefeske döneler, qanıma siñeler, yüregimni isyanğa tolduralar, közlerimden tamçı-tamçı tığıralar, kirpiklerimniñ hancerleri arasından keçip, yanaqlarımnı yaqalar, mercan taşçıqları kibi qatalar, qara topraqqa eneler. Tañ yeli olarğa öz qanatlarını bağışlay. Olar kökte kene parıldaylar, enmek, irimek, uçmaq içün maña musafirlikke keleler.
 07.03.98.
Действия:

0 коммент.:

Yorum Gönder