2 Haziran 2015 Salı

Yunus Qandım: elyazma defterinden (XI)

Ne içün biz öz vatanımızda vatan cesaretine, vatan sevgisine malik olmağan insanlarday yüremiz, ne içün bizni vatandaşımıznıñ, yanımızdan selâm berip keçken yurtdaşımıznıñ bu vaziyeti rahatsızlamay, ne içün biz milletimizni çıqımsız yolğa soqmağa tırışqan, milletke qan içirgen, qan qustırğan "milletperverlerniñ" qanlı ellirini, çamurlı ellerini öpemiz.

Bizim passivligimiz, ahlâqiy zayıflığımız, ruhiy apatiyamız qullıq psihologiyasına tamır atmağa bir zemin yarata. Qullıq psihologiyası bizni, qırımtatarlarnı, sözde milliy ideallarnıñ sahte tantanasınen piyazlay, Qırım qırımtatarlarnıñ Qırımı olması içün nice-nice yıqıq, bozuq, çatlaq, çıtırmanlaşıp, kiyikleşip qalğan soqaqlardan, yollardan, qaldırımlardan keçip, zar-zornen nefes alayatqan, solayatqan, soñ nefeste damarlarğa suv degil de qan aydağan yüreklerge barıp çıqmaq, olarnı yuvup, temizlemek lâzim olacaq.
 13.03.98.
Действия:

0 коммент.:

Yorum Gönder